Paano ito gumagana

Anumang bagay na ipinapakita ang pangalan, mukha, initials o kulay ng isang pulitiko sa publiko: tarpaulin at poster (kasama ang “Happy Birthday/Fiesta/Graduation”), billboard, ayuda o relief pack, karatula ng proyekto o pasilidad, sasakyan, at mga sponsored na event.

Hindi lahat nito ay ilegal. Bago ang opisyal na campaign period, karamihan ay pinapayagan pa. Kaya hindi kami naglalagay ng label na “ilegal” o “paglabag”: ipinapakita lang namin kung ano ang nakita, saan at kailan.

• Walang lumalabas nang hindi muna tinitingnan ng aming team.
• Tinitingnan namin kung malinaw ang litrato, kung tama ang opisyal, at kung hindi ito kopya ng ibang report.
• Hindi namin inilalabas ang litratong may malinaw na mukha ng ordinaryong tao, bata, o plate number.
• Ang lokasyon ay mula sa litrato mismo (kung naka-on ang location ng camera) o pinin ng nag-report. Makikita sa bawat report kung alin.

Hindi namin ipinapakita kung sino ang nag-report. Tinatanggal namin ang lahat ng metadata ng litrato (kasama ang uri ng phone) bago ito i-save. Ang email o number na ibibigay mo ay para lang sa aming mga tanong.

Ang ranking ay bilang ng nasuring litrato bawat opisyal. Hindi ito sukatan ng gastos o ng paglabag. Maaaring may ilang tarpaulin sa isang litrato, at mas maraming report sa lugar na mas maraming gumagamit ng site.

Kung may maling pangalan, lugar o litrato, sabihan kami sa report form ng Pilipiknow at ilagay ang link ng report. Sinusuri namin ang bawat hiling at inaayos o tinatanggal ang mali.